Kryeministri i Kosovës, Albin Kurti ka thënë se sulmi terrorist i 24 shtatorit ishte pjesë e një plani të madh për aneksimin e veriut të vendit.

Përmes një postimi në platformën ‘X’, Kurti shtoi se Policia e Kosovës e ka konfirmuar se aneksimi i veriut ishte planifikuar të bëhet përmes një koordinimi në 37 pozicione të dallueshme, shkruan Arbresh.info.

Siç shtoi Kurti, kjo do të pasonte krijimin e një korridori për në Serbi, për të mundësuar furnizimin me armë dhe trupa.

“Në bazë të dokumentacionit të konfiskuar,@Kosovo_Police kanë konfirmuar se sulmi terrorist ishte pjesë e një plani më të madh për të aneksuar veriun e Kosovës përmes një sulmi të koordinuar në 37 pozicione të dallueshme. Do të pasonte krijimi i një korridori për në Serbi, për të mundësuar furnizimin me armë dhe trupa”, ka shkruar Kurti.

Based on confiscated documentation, @Kosovo_Police have confirmed that the terrorist attack was part of a larger plan to annex the north of Kosova via a coordinated attack on 37 distinct positions. Establishing a corridor to Serbia would follow, to enable supply of arms & troops.

— Albin Kurti (@albinkurti) October 2, 2023

Kujtojmë se dje drejtori i Përgjithshëm i Policisë, Gazmend Hoxha tha se në bazë të hetimeve, vërtetohet se grupi terrorist ka zhvilluar përgatitje të vazhdueshme.

Në një konferencë të përbashkët me ministrin e Punëve të Brendshme, Xhelal Sveçla tha se përgatitjet për sulmin e 24 shtatorit u bën katër ditë më parë./Arbresh.info

Lexo edhe:

Policia publikon dëshmitë lidhur me sulmin terrorist në Banjskë

Krejt çka tha Sveçla në konferencën për zhvillimet e reja lidhur me sulmin terrorist në Banjskë